ജീരക സാമ്പ ഇനത്തില്‍പ്പെട്ട നെല്ലാണ് ഇത്തവണ ഒരേക്കര്‍ സ്ഥലത്ത് ഇവര്‍ കൃഷി ചെയ്തു വിളവെടുത്തത്. നെല്ല് കൊയ്ത് മെതിച്ച് അരിയെടുത്തു കൊണ്ടിരിക്കുകയാണിപ്പോള്‍.
By പി.കെ. നിമേഷ്
കേരളത്തിന്റെ നെല്ലറയാണ് പാലക്കാട്. ജില്ലയിലെ വിശാലമായ നെല്‍പ്പാടങ്ങള്‍ കേരളത്തിന്റെ തനതു കാഴ്ച. പച്ചയണിഞ്ഞ നെല്‍പ്പാടം കാണാന്‍ സഞ്ചാരികളുടെ ഒഴുക്കാണ് പാലക്കാട്ടേക്ക്, കൊല്ലംങ്കോട് ഇതിന് ഉദാഹരണമാണ്. വ്യത്യസ്തമായൊരു നെല്‍ക്കൃഷി നടത്തി വിളവെടുത്ത കര്‍ഷക ദമ്പതികളെ നമുക്ക് പരിചയപ്പെടാം. പാലക്കാട് ചാലിശേരി പഞ്ചായത്തില്‍ പെരുമണ്ണൂരുള്ള രാജേന്ദ്രന്‍-സുജാത ദമ്പതികള്‍. ജീരക സാമ്പ ഇനത്തില്‍പ്പെട്ട നെല്ലാണ് ഇത്തവണ ഒരേക്കര്‍ സ്ഥലത്ത് ഇവര്‍ കൃഷി ചെയ്തു വിളവെടുത്തത്. നെല്ല് കൊയ്ത് മെതിച്ച് അരിയെടുത്തു കൊണ്ടിരിക്കുകയാണിപ്പോള്‍.
തമിഴ്‌നാട്ടില്‍ വ്യാപകമായി കൃഷി ചെയ്യുന്ന ഇനമാണ് ജീരക സാമ്പ. ഇടയ്ക്ക് നടത്തുന്ന തമിഴ്‌നാട് യാത്രയില്‍ തഞ്ചാവൂര്‍ ഭാഗത്ത് നിന്നുമാണ് ജീരക സാമ്പ കൊണ്ടു തയാറാക്കിയ പുലാവ് കഴിക്കുന്നത്. അരിയെക്കുറിച്ച് അന്വേഷിച്ച് കാര്യങ്ങള്‍ പഠിച്ചു. നമ്മുടെ നാട്ടില്‍ കൃഷി ചെയ്തു നോക്കാമെന്നു കരുതി വിത്ത് വാങ്ങി. 10 കിലോ വിത്താണ് വരുത്തിച്ചത്. കിലോയ്ക്ക് യാത്രാ ചെലവ് ഉള്‍പ്പടെ 120 രൂപയോളം ചെലവ് വന്നു. ഒരേക്കര്‍ സ്ഥലത്താണ് കൃഷി ചെയ്തത്. നമ്മുടെ കാലാവസ്ഥയ്ക്കു യോജിച്ച ഇനം തന്നെയാണിത്. പൊതുവെ ഇത്തവണ നെല്‍പ്പാടങ്ങളില്‍ ചാഴി പോലുള്ള പ്രശ്‌നങ്ങള്‍ കണ്ടുവരുന്നുണ്ട്. ഈ പ്രശ്‌നങ്ങള്‍ ജീരക സാമ്പയെയും ബാധിച്ചിരുന്നു. പരിപൂര്‍ണമായി ജൈവ രീതിയില്‍ മാത്രമാണ് കൃഷി.
.jpg)
തമിഴ്‌നാട്ടില്‍ ഒരേക്കറില്‍ നിന്ന് ഒരു ടണ്‍ വിളവ് ലഭിക്കുന്നുണ്ട്. എന്നാല്‍ ഇവിടെ അത്ര ലഭിച്ചിട്ടില്ലെന്നാണ് വിലയിരുത്തല്‍. കൊയ്ത്ത് കഴിഞ്ഞു മെതി നടന്നു കൊണ്ടിരിക്കുകയാണ്. ഇനി മില്ലിലെത്തിച്ച് അരിയാക്കണം. എന്നാല്‍ മാത്രമേ വിളവിന്റെ കാര്യത്തില്‍ ഉറപ്പ് പറയാന്‍ പറ്റൂ. ബംഗാളി സഹോദരങ്ങളാണ് കൊയ്ത്തും മെതിയുമെല്ലാം നടത്തുന്നത്. പുലാവ്, ബിരിയാണി എന്നിവയെല്ലാം തയാറാക്കാന്‍ ഏറെ അനുയോജ്യമാണ് ജീരക സാമ്പയെന്നു പറയുന്നു രാജേന്ദ്രന്‍. ജീരകമണി പോലുള്ള അരിയാണിതിന്, മാപ്പിള സാമ്പ എന്നും തമിഴില്‍ വിശേഷണമുണ്ട്.സാധാരണ നെല്ലിനങ്ങളേക്കാള്‍ അല്‍പ്പം ഉയരം കുറവാണ് ചെടിക്ക്, എന്നാല്‍ മൂത്ത് വരുമ്പോള്‍ മറിഞ്ഞു വീഴുന്ന സ്വഭാവമുണ്ട്. അതിന് മുമ്പ് കൊയ്‌തെടുക്കുകയാണ് ഉചിതം.
കേന്ദ്ര സര്‍ക്കാര്‍ ജീവനക്കാരനായിരുന്ന രാജേന്ദ്രന്‍ 2009ല്‍ സ്വയം പിരിഞ്ഞാണ് കൃഷിയിലേക്ക് ഇറങ്ങുന്നത്. കോഴിക്കോട് നടുവട്ടം സ്വദേശിയാണ്, എന്നാല്‍ ചെറുപ്പം മുതലേ പാലക്കാടന്‍ ഗ്രാമങ്ങളോടും ഉത്സവങ്ങളോടുമെല്ലാം പ്രത്യേക താത്പര്യമുണ്ടായിരുന്നു. ചെണ്ടമേളത്തോട് കമ്പം അല്‍പ്പം കൂടുതലാണ്, കമ്പമല്ല ഭ്രാന്ത് തന്നെയാണ് പറയുന്നു രാജേന്ദ്രന്‍. ഇതിനൊപ്പം കൃഷിയും കൊണ്ടുപോകാനായി തീരുമാനം, ഇതോടെ ചാലിശേരിയില്‍ സ്ഥലം വാങ്ങി സ്ഥിരമാക്കി. ജൈവ കൃഷിയുമായി ബന്ധപ്പെട്ട പ്രവര്‍ത്തനങ്ങളിലെല്ലാം സജീവമാണ്, ബാബുവേട്ടന്‍ എ്ന്നാണ് കര്‍ഷകര്‍ക്കിടയില്‍ അറിയപ്പെടുന്നത്.
നെല്ലും വാഴയും പച്ചക്കറിയുമെല്ലാം കൃഷി ചെയ്തിരുന്നു. എന്നാലിപ്പോള്‍ പന്നി ശല്യം കാരണം കൃഷി കുറച്ചിരിക്കുകയാണ്. നാടന്‍ നെല്ലിനങ്ങള്‍ മാത്രം കൃഷി ചെയ്യുന്നതിനാല്‍ സപ്ലൈയ്‌ക്കോയുമായി കരാറില്ല. കാര്‍ഷിക കാര്യത്തില്‍ പരിപൂര്‍ണ പിന്തുണയുമായി ഭാര്യ സുജാതയുമുണ്ട്.
കര്‍ഷകന് ന്യായമായ ലാഭം ലഭിക്കാന്‍ മൂല്യവര്‍ധിത ഉത്പന്നങ്ങളാക്കി വിപണനം ചെയ്യുന്നതു സഹായിക്കുമെന്നു പറയുന്നു രാജേന്ദ്രന്‍. ചക്ക ഉപയോഗിച്ചുള്ള മൂല്യവര്‍ധിത ഉത്പന്നങ്ങള്‍ നിര്‍മിക്കുന്നുണ്ടിവര്‍. പ്രാപ്തി എന്നാണ് സംരംഭത്തിന്റെ പേര്. പരമ്പരാഗത രീതിയില്‍ വിറക് കത്തിച്ച് ഓട്ടുരുളിയിലാണ് ചക്ക വരട്ടി തയാറാക്കുക. ചക്കപ്പൊടി, ചക്കപ്പൊടി ചേര്‍ത്ത പുട്ടുപൊടി, ചക്ക ചിപ്‌സ്, പച്ചക്കറികള്‍ ഉപയോഗിച്ചുള്ള അച്ചാറുക, കൊണ്ടാട്ടം എന്നിവയും പ്രാപ്തി വിപണിയിലെത്തിക്കുന്നു. പരിപൂര്‍ണമായി ജൈവ രീതിയില്‍ കൃഷി ചെയ്യുന്ന പരമ്പരാഗത നെല്ലിനങ്ങള്‍ ഉപയോഗിച്ചാണ് പുട്ടുപൊടി തയാറാക്കുന്നത്. പ്രാപ്തിയുടെ പ്രവര്‍ത്തനം വ്യാപിപ്പിക്കാനുള്ള ഒരുക്കത്തിലാണിപ്പോള്‍ ദമ്പതികള്‍.
കേരളത്തിന്റെ നെല്ലറയാണ് പാലക്കാട്. ജില്ലയിലെ വിശാലമായ നെല്‍പ്പാടങ്ങള്‍ കേരളത്തിന്റെ തനതു കാഴ്ച. പച്ചയണിഞ്ഞ നെല്‍പ്പാടം കാണാന്‍ സഞ്ചാരികളുടെ ഒഴുക്കാണ് പാലക്കാട്ടേക്ക്, കൊല്ലംങ്കോട് ഇതിന് ഉദാഹരണമാണ്. വ്യത്യസ്തമായൊരു…
By പി.കെ. നിമേഷ്
രണ്ട് സെന്റില്‍ ഒരു കൊച്ചു വീട്... എന്നാല്‍ ആ വീടിന്റെ ഗോവണിയിലും ചുറ്റുമതിലിലും എന്തിനേറെ ഇത്തിരപ്പോന്ന സിമന്റ് തേച്ച മുറ്റത്തുമെല്ലാം വമ്പന്‍ കൃഷിയാണ്. എറണാകുളം നഗരത്തിലെ തിരക്കേറിയ ഇടങ്ങളിലൊന്നായ തൃക്കാക്കരയിലാണ്…
By നൗഫിയ സുലൈമാന്‍
വ്യത്യസ്ത രീതിയില്‍ കൃഷി ചെയ്ത് മികച്ച വിളവ് സ്വന്തമാക്കുന്ന നിരവധി കര്‍ഷകര്‍ നമുക്കിടയിലുണ്ട്. ഇവരിലൊരാളാണ് കോട്ടയം കുറിച്ചിയിലെ ജോസുകുട്ടി ജോര്‍ജ് കാഞ്ഞിരത്തുംമൂട്ടില്‍. കക്കിരി, പയര്‍, കൈപ്പ തുടങ്ങിയ…
By Harithakeralam
ഏറെ രുചികരവും പോഷക സമ്പുഷ്ടവുമാണ് കൂണ്‍. പണ്ടൊക്കെ സ്വാഭാവികമായി തന്നെ പറമ്പില്‍ കൂണ്‍ ഉണ്ടാകുമായിരുന്നു. എന്നാല്‍ മണ്ണ് മലിനമായതോടെ കൂണ്‍ പൊടിയല്‍ അപൂര്‍വ സംഭവമായി മാറി. കൂണ്‍ കൃഷി ചെയ്ത് ഉത്പാദിപ്പിക്കുന്നവ…
By Harithakeralam
ഭൂമിയിലെ സ്വര്‍ഗം എന്ന് കശ്മീരിനെ വിളിച്ചത് മുന്‍ പ്രധാനമന്ത്രി ജവഹര്‍ലാല്‍ നെഹ്‌റുവാണ്. എന്നാല്‍ അശാന്തിയുടെ താഴ്‌വരയായിരുന്നു കശ്മീര്‍ കുറച്ചു മുമ്പ് വരെ... കാലം മാറിയതോടെ ഇവിടെ നിന്നും വരുന്ന വാര്‍ത്തകള്‍ക്കിപ്പോള്‍…
By Harithakeralam
ജോലിക്കും പഠനത്തിനുമായി വിദേശത്തേക്ക് കുടിയേറാനാണ് കേരളത്തിന്റെ യുവത്വമിന്നു കൊതിക്കുന്നത്. നഴ്‌സിങ് മേഖലയിലുള്ളവരാണ് ഇതിന്റെ തുടക്കം കുറിച്ചത്. എന്നാല്‍ കൃഷി ചെയ്യാനായി ഗള്‍ഫിലെ നഴ്‌സിങ് ജോലി ഉപേക്ഷിച്ച…
By നൗഫിയ സുലൈമാന്‍
കഠിനാധ്വാനത്തിലൂടെ പൂങ്കാവനമൊരുക്കിയെടുത്ത വീട്ടമ്മയാണ് എം. ശ്രീവിദ്യ. കാസര്‍കോഡ് ജില്ലയില്‍ ബേദഡുക്ക പഞ്ചായത്തില്‍ കൊളത്തൂരാണ് ഈ യുവ കര്‍ഷകയുടെ കൃഷിത്തോട്ടം. പച്ചക്കറികളും ഫലവര്‍ഗങ്ങളും മീനും കോഴിയും…
By പി.കെ. നിമേഷ്
നഴ്‌സിങ് പൂര്‍ത്തിയാക്കി വിദേശനാടുകളിലേക്ക് ജോലി തേടിപ്പോകുന്ന ഒരു കൂട്ടം മനുഷ്യര്‍ക്കിടയില്‍ വ്യത്യസ്തയാണ് മൃദുല ഹരി. പഴങ്ങളും പച്ചക്കറികളും മൃഗ-പക്ഷി പരിപാലനവുമായി കാര്‍ഷിക മേഖലയില്‍ വിജയം കൊയ്തിരിക്കുകയാണ്…
By നൗഫിയ സുലൈമാന്‍
© All rights reserved | Powered by Otwo Designs
Leave a comment